Sambram universiteti professor-o'qituvchilari o'rtasida futbol turniri tashkil etildi, unda rektorat jamoasi g'alaba qozondi

Sambram universitetida professor-o‘qituvchilar o‘rtasida sog‘lom turmush tarzini targ‘ib qilish, jamoaviy hamjihatlikni mustahkamlash va sportga bo‘lgan qiziqishni yanada oshirish maqsadida futbol turniri tashkil etildi. Mazkur musobaqada turli fakultet va bo‘limlardan tuzilgan jamoalar faol ishtirok etib, o‘zaro qiziqarli va murosasiz bellashuvlar olib bordilar. Turnir davomida ishtirokchilar nafaqat jismoniy mahoratlarini, balki jamoaviy hamkorlik, strategik fikrlash va sport madaniyatini ham namoyon etdilar. Yakuniy natijalarga ko‘ra, kuchli raqobat ostida o‘tgan o‘yinlarda rektorat jamoasi yuqori saviyada o‘yin ko‘rsatib, barcha raqiblarini ortda qoldirgan holda faxrli birinchi o‘rinni egalladi. Ushbu g‘alaba jamoaning birligi, intizomi va qat’iyatining yorqin namunasi bo‘lib, turnir ishtirokchilari va tomoshabinlarda katta taassurot qoldirdi.

Galereya