Kelajak avlod bilan ochiq muloqot: rektor talabalar bilan uchrashdi Rektor va talabalar Sambram universitetida ta'lim sifatini oshirish bo'yicha fikr almashdilar.

Sambhram Universitetida “Kelajak avlod bilan ochiq muloqot” mavzusida tashkil etilgan uchrashuv doirasida rektor va talabalar o‘rtasida samimiy va mazmunli suhbat bo‘lib o‘tdi. Uchrashuv davomida ta’lim sifatini oshirish, zamonaviy bilim va ko‘nikmalarni rivojlantirish, shuningdek, talabalar uchun yanada qulay va samarali o‘quv muhitini yaratish masalalari atroflicha muhokama qilindi. Talabalar o‘z fikr va takliflarini erkin bildirib, mavjud muammolar va ularning yechimlari yuzasidan ochiq muloqot olib bordilar. Rektor esa bildirilgan har bir taklifni e’tibor bilan tinglab, ularni amaliyotga joriy etish bo‘yicha zarur choralar ko‘rilishini ta’kidladi. Mazkur uchrashuv universitet hayotida muhim ahamiyat kasb etib, rahbariyat va talabalar o‘rtasidagi hamkorlikni yanada mustahkamlashga xizmat qildi.

Galereya